ShQO-da sýy tartylǵan toǵanda 50 myńǵa jýyq móńke balyǵynyń qyrylýyna jol berilmedi
02:48, 25 Qazan 2022
ÓSKEMEN. QazAqparat – Shyǵys Qazaqstan oblysynda sýy tartylǵan toǵanda 50 myńǵa jýyq móńke balyǵynyń qyrylýyna jol berilmedi, dep habarlaıdy QazAqparat tilshisi.
Zaısan-Ertis oblysaralyq basseındik balyq sharýashylyǵy ınspektsııasynyń málimetine súıensek, Glýbokoe aýdany Ýshanov aýylyndaǵy toǵannyń sýy tartylyp ketken.
«Toǵan tabıǵı sebeptermen keýip qaldy. Inspektsııanyń jedel áreket etý tobynyń qyzmetkerleri, jergilikti turǵyndar, eriktiler jáne Ýshanov aýyldyq okrýginiń ákimdigi toǵandaǵy balyqtyń qyrylyp qalýyna jol bermedi. Qazirgi ýaqytta 50 myńǵa jýyq móńke balyq Úlbi ózenine jiberildi», - delingen aqparatta.
Eske salsaq, osy jyldyń jazynda Shyǵys Qazaqstan oblysy Glýbokoe aýdanyndaǵy Mahovka ózeninde balyq qyrylǵan bolatyn.