ShQO-da sý tasqynyna qarsy sharalar bastaldy
ShQO Tótenshe jaǵdaılar departamenti baspasóz qyzmetiniń málimetine súıensek, búginde Óskemendegi Ahmer aýylynda jáne Shyǵys kentinde jańa aryqtar salý jumystary júrgizilýde. Sondaı-aq Jibek matalar kombınaty yqsham aýdanynda, Zaşıta, Neftebaza, Shmelev Log jáne Krasın kentterinde aryq arnalary tazalanýda.
«Qysta qardyń az bolýy nátıjesinde qalada qar jabynynyń bıiktigi 15 sm qurap otyr. «Qazgıdromet» mamandarynyń dereginshe, jerdiń tońy 58 sm, keıbir jerlerde 120 sm quraıdy. Sogra shaǵyn aýdanyndaǵy taý shańǵysy bazasy aýdanynda Bezymıannyı bulaǵy qatyp, ony «Taza Óskemen» mekemesiniń qyzmetkerleri ystyq sýmen shaıdy. Qabyldanǵan sharalar nátıjesinde jaǵdaı turaqtandy», - delingen aqparatta.
Mahovka ózeniniń jaǵalaýyn «Vostochnık-6» baý-baqsha qaýymdastyǵynyń oń jaǵynan nyǵaıtý jumystary bastaldy. Sý tasqyny qaýpi bar kezeńge 27 motopompa men arnaıy tehnıkalar daıyndalǵan.
«Ydys-qaptar men ınerttik materıaldar ázirlendi. Tótenshe jaǵdaı bolyp jatsa halyqty qaladaǵy 5 orta mektepke, 3 qonaqúı men «Úlbi» medıtsınalyq-áleýmettik ortalyqqa ornalastyrý josparlanǵan», - delingen habarlamada.