ShQO-da sý tasqyny kezeńine daıyndyq júrgizilýde
ShQO TJD baspasóz qyzmetiniń málimetine súıensek, Borodýlıha aýdany Novopokrovka aýylynda úılerdi qarǵyn sý baspas úshin 1 mln 400 myń teńge bólindi. Nátıjesinde, Jýra ózeniniń arnasyn tereńdetý jáne «Novopoprovka-Petropavlovka» tasjolyndaǵy kópirden bastap Áýezov atyndaǵy orta mektepke deıingi aralyqtaǵy jaǵalaýda topyraq úıindisi ornatyldy. Munda 39 úıdi sý basý qaýpi bar.
Aýylda shamamen 60 jyl turatyn Anatolıı Romanovtyń aıtýynsha, bıyl jasalǵan úıindi Gagarın men Beregovaıa kóshelerimen sýdyń ótýine múmkindik bermeıdi. Al qazylǵan or aýyldyń batys bóliginiń turǵyndaryn qorǵaıdy.
«Qazirgi ýaqytta sý tasqynyna qyzý daıyndyq júrgizilýde. Semeı qalasynda jergilikti atqarýshy organdardan, qutqarýshylardan basqa aldyn alý jumystaryna QR TJM 68303 áskerı bóliminiń jeke quramy tartyldy.
Olar Ertis aýyldyq okrýginde, Vostochnyı kentinde jáne Beıbitshilik aralynda keń aýqymdy jumys júrgizedi», - delingen aqparatta.
68303 áskerı bóliminiń qyzmetshileri jumys barysynda 385 metr aryq júıesin muzdan jáne 650 metrin qamystan tazartty. 65 metr jaǵalaýdy bekitý jumystary júrgizilip, 195 metr sý burý arnalary tazalandy.