ShQO-da sottalǵan er adam Naýryz meıramyna oraı ulttyq ydystar jasady
ShQO boıynsha QAJ departamenti baspasóz qyzmetiniń málimetine súıensek, OV-156/14 túzetý mekemesinde jazasyn ótep jatqan azamat Ulystyń uly kúni qarsańynda aǵashtan ulttyq ydystar jasady.
Esirtki taratqany úshin 11 jylǵa bas bostandyǵynan aıyrylǵan Baqytjan Taısynov 2 jyldan astam ýaqyt boıy túrmedegi kásiporynda jumys istep, nápaqasyn taýyp júr. Ol astaý syndy ulttyq ydystarǵa «Naýryz meıramy» sózin lazermen kúıdirip jazdy. Daıyn ónim qazirgi ýaqytta Semeı qalasynyń saýda oryndaryna jetkizilip, úlken suranyspen satylyp ketti.
«Baqytjannyń daıyndaǵan ydystaryn Naýryz merekesi qarsańynda halyq syılyq retinde satyp aldy. Árıne, ár taýardyń tez satylýy kásipkerge qýanysh qoı. Bul naǵyz tapqyrlyq boldy. Qazirgi ýaqytta meniń kásipornymda barlyǵy 10 sottalǵan adam jumys isteıdi. Jalaqylaryn ýaqtyly alyp otyr. Sottalǵandar tarapynan eshqandaı tártipbuzýshylyq kórgen joqpyn. Túzetý mekemesi ishindegi kásibim maǵan qalada ornalasqan kásipterimnen qaraǵanda áldeqaıda tıimdi», - deıdi jeke kásipker Natalıa Týrpatova.