ShQO-da sońǵy bes jylda mýzeı qory 22,5 myń jádigermen tolyqty

ÓSKEMEN. QazAqparat – Shyǵys Qazaqstan oblysynda 2016 jyldan bastap arheologııa sa­la­syndaǵy ǵylymı-zertteý ju­mys­ta­rynyń baǵdarlamasy júzege asy­ry­lyp jatyr, dep habarlaıdy QazAqparat tilshisi.

Aımaq basshysy Danıal Ahmetovtyń aıtýynsha, osy baǵdarlamanyń arqa­synda Qazaqstannyń jetekshi arheo­logteri Zeınolla Samashev pen Áb­desh Tóleýbaevtyń jetekshiligimen Shyǵys Qazaqstannyń biregeı ar­heo­logııalyq eskertkishteri – Berel, Ele­­ke Sazy, Shilikti, Kókentaý zertteldi.

«Jumys nátıjesi boıynsha qola, erte temir, erte jáne keıingi orta ǵasyr kezeńderin sıpattaıtyn qundy artefaktiler tabyldy. Oblystyq tarıhı-ólketaný mýzeıiniń qory 22,5 myńnan astam jádigermen tolyq­ty. Zertteý nátıjeleri búkil Eýra­zııa keńistigindegi ǵylymı qo­ǵam­­dastyqtarda moıyndaldy», - dedi ol.

Danıal Ahmetovtyń sózinshe, osy jyldyń 27 qyrkúıeginde Uly­brıtanııanyń London shaharynda «Uly dala altyny» kórmesi usy­nylǵan.

«Kórmege ata-babalary­myzdyń mádenı jáne arheologııalyq jetis­tikterin sıpattaıtyn altynnan ja­salǵan 15 myńnan astam artefakt qoıyldy. Bul kórme qalyń jurt­shylyq pen ǵylymı qaýymdastyqty biregeı jádigerlermen tanystyryp qana qoımaı, Qazaqstan men Uly­brıtanııa Koroldigi arasyndaǵy mýltımá­denı almasý tizbeginiń bir býynyna aınaldy. Osylaısha, biz álemdik qoǵam­dastyq úshin Uly dala kóshpendileri tarıhynyń jańa betterin ashyp kelemiz, olar bizdiń ata-babala­ry­myz­dyń álemdik órkenıettiń qalyp­tasýyna qandaı úlken úles qosqanyn kórsetedi», - dedi oblys ákimi.