ShQO-da sońǵy 5 jylda jeke kásipkerlerdiń 11 myń jobasyna qoldaý kórsetilgen

ÓSKEMEN. QazAqparat – ShQO Kásipkerler palatasynda ótken jıynda sońǵy bes jylda jeke kásipkerlikti damytý maqsatynda atqarylǵan jumystar jaıly aıtyldy, dep habarlaıdy QazAqparat.

Osy kezeń ishinde óńir boıynsha bıznes ókilderi tarapynan 3 myńnan astam ótinish kelip túsken. Kásipkerler palatasy olardyń árqaısysymen jiti tanysyp, quqyǵy buzylǵandarǵa kómek kórsetti. 2019 jyldyń ózinde ǵana-aq zańdy attaǵan 104 laýazymdy tulǵa jaýapqa tartylǵan.

«Bes jyl ishinde jer resýrstary salasynda 6 ınteraktıvti karta ázirlendi. Jeke kásipkerlerdiń 11 myń jobasyna qoldaý kórsetilgen. Adamı kapıtaldy damytý maqsatynda mektepterde kásibı baǵdarlaýǵa arnalǵan 122 keńse quryldy. Memlekettik tapsyrystyń 53%-dan astamy tehnıkalyq jáne ınjenerlik mamandyqtarǵa baǵyttalǵan. «Bastaý Bıznes» jobasy aıasynda 5 myńnan astam adam bilim aldy. Ótken jyly palata arqyly kópbalaly otbasylarǵa, jastarǵa jáne múmkindigi shekteýli jandarǵa bıznes ashý úshin 2 myńnan astam grant bólingen», - deıdi palatanyń baspasóz hatshysy Hrıstına Doroshenko.

Aıta keteıik, Shyǵys Qazaqstanda 2017 jyldan bastap jıhazdarǵa barlyq memlekettik tapsyrys tek jergilikti óndirýshilerge berilýde.