ShQO-da soǵys ardagerlerine qurmet kórsetildi

<p>ÓSKEMEN. KAZINFORM &ndash; Shyǵys Qazaqstan oblysynda soǵys ardagerlerine qurmet kórsetildi. Óskemendegi Sol jaǵalaý saıabaǵynda jaıylǵan dastarhan basynda ótken kezdesýde soǵys jyldaryndaǵy túrli oqıǵalar jaıly aıtylyp, syr shertildi.&nbsp;</p>

Araǵa 79 jyl salyp eki shyǵysqazaqstandyq ardager Qurmat Rahımov jáne Pavel Strehonyń Kenıngsbergti azat etý shaıqasynda birge qatysqandary belgili boldy. Shyǵys Qazaqstan oblysynyń ákimi Ermek Kósherbaev kelip, UOS ardagerlerin Jeńis kúnimen quttyqtady.

Foto: ShQO ákimi baspasóz qyzmeti

«Jyldan jylǵa ardagerlerdiń qarasy azaıyp keledi. Olardy qamqorlyqqa alyp, kóńil bólýimiz qajet. Óskeleń urpaqqa jeńistiń qandaı qıyndyqpen kelgenin túsindirip, tárbıe berý kerek. Keler jyly jeńistiń 80 jyldyq mereıtoıyn atap ótemiz. Osyǵan oraı Óskemende eskertkish ornatyp, shyǵysqazaqstandyq árbir batyrdyń esimin jazý josparda bar», – deıdi aımaq basshysy.

Foto: ShQO ákimi baspasóz qyzmeti

Kezdesýge kele almaǵan ardagerlerdi úılerinde quttyqtady. Qazirde oblysta soǵystyń 14 ardageri jáne 5 myńǵa jýyq tyl ardageri turyp jatyr. Merekege oraı ár ardagerge 1,5 mln teńge jáne ár tyl ardagerine 100 myń teńgeden ótemaqy berildi. 

«Soǵysqa Shyǵys Qazaqstannan 90 myńǵa jýyq azamat attanyp, jartysy qaıtyp oralmady. Kózi tirisinde ardagerlerge kóptep kóńil bólip jatyrmyz. Ásirese jastar osy jumysqa belsendi aralasyp keledi», – deıdi ShQO Ardagerler keńesiniń tóraǵasy Aıtqazy Sherýbaev.

Kezdesý sońynda oblys ákimi ár ardagerge Memleket basshysy Qasym-Jomart Toqaevtyń quttyqtaýyn, «ShQO Qurmetti ardageri» tósbelgisi men estelik syılyqtardy tabys etti.