ShQO-da shomylýǵa tyıym salynǵan jaǵajaılarda reıd júrip jatyr

ÓSKEMEN. QazAqparat – Shyǵys Qazaqstan oblysynyń qutqarýshylary shomylýǵa tyıym salynǵan jaǵajaılarda reıd júrgizdi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar ózen-sýlardyń jaǵajaılaryn jáne shomylýǵa ruqsat etilmegen ýchaselerdi qaıyqpen patrýldedi.

«Mundaǵy negizgi maqsat – halyqtyń qaýipsizdik sharalaryn saqtaýyn qadaǵalaý. Sońǵy 2 kúnde qutqarýshylar 500-ge jýyq adamǵa túsindirý jumystaryn júrgizip, 2 myńnan astam jadynama taratty. Reıd barysynda barlyq 16 demalys orny men 64 ruqsat etilmegen jaǵajaıdy qamtyldy», - dep habarlady vedomstvo ókilderi.

Osy rette, departament mamandary belgilengen talaptarǵa sáıkes jabdyqtalmaǵan sý aıdyndarynda shomylý asa qaýipti ekendigin eskertedi. Sýdaǵy jazataıym oqıǵalardyń basty sebebi de osy.

Esterińizge sala ketsek, osyǵan deıin ShQO jaǵajaılarynda 133 tyıym salý belgisi ornatylǵanyn habarlaǵan bolatynbyz.