ShQO-da sheteldikterdi úılerine zańsyz turǵyzǵan 72 adam jaýapqa tartyldy

ÓSKEMEN. QazAqparat – Shetel azamattary ózderimen birge turatynyn polıtsııaǵa ýaqytyly habarlamaǵan Shyǵys Qazaqstan oblysynyń 72 turǵyny aıyppul tóledi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Qazaqstanǵa zańsyz kelgenderdi anyqtaý, sheteldikterdi ruqsatsyz jumysqa ornalastyrý faktileriniń jolyn kesý maqsatynda arnaıy jedel aldyn alý sharasy júrgizilýde. Sonyń aıasynda tártip saqshylary bazarlarǵa reıdke shyǵyp, qurylys alańdaryn, ashanalar men dámhanalardy tekserip jatyr.

Sharanyń bir kúninde 255 adam ákimshilik jaýapkershilikke tartyldy. Sheteldikterdiń ózderimen birge turýy týraly polıtsııaǵa ýaqytynda habarlamaǵany úshin Qazaqstan Respýblıkasynyń 72 azamatyna aıyppul salyndy.

«Sondaı-aq ýákiletti organnyń ruqsatynsyz sheteldikti jumysqa tartqan 10 kásipker jaýapqa tartyldy. Sot sheshimimen 16 shetel azamaty el aýmaǵynan shyǵaryldy», - deıdi oblystyq PD kóshi-qon qyzmeti basqarmasynyń basshysy Erbol Bekpaev.