ShQO-da shetelden kólik almaq bolǵan er adam alaıaqqa 2 mln teńge bergen
ShQO Polıtsııa departamenti baspasóz qyzmetiniń málimetine súıensek, er adamdy áńgimege tartqan beıtanys bireý kólikti kórshi elden naryq baǵasynan áldeqaıda arzanǵa satyp alyp bere alatynyn aıtqan. Buǵan sengen azamat suraǵan aqshany bere salǵan.
«Osylaısha, qýlyǵyn iske asyrǵan alaıaq múlde habarsyz ketti. Al aldanyp qalǵanyn túsingen jábirlenýshi polıtsııaǵa habarlasyp, kómek suraǵan. Tártip saqshylary jedel-izdestirý sharalary barysynda kúdiktini anyqtady. Ol Óskemen qalasynyń 26 jastaǵy turǵyny bolyp shyqty», - dep habarlady vedomstvo ókilderi.
Qazirgi ýaqytta «Alaıaqtyq» faktisi boıynsha sotqa deıingi tergeý amaldary bastaldy. Polıtseıler er adamnyń osyndaı basqa da qylmystarǵa qatysy bar-joǵyn tekserip jatyr.
Eske salsaq, osyǵan deıin Óskemende esirtki zerthanasy anyqtalyp, 41 jastaǵy turǵyn qamaýǵa alynǵany habarlanǵan.