ShQO-da sheteldegi joǵary oqý oryndaryna ketetin mektep túlekteriniń sany 6 ese azaıdy

<p>Shyǵys Qazaqstan oblysynda mektep túlekteriniń taıaý sheteldegi joǵary oqý oryndaryna ketýi alty ese azaıyp otyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

ShQO Bilim basqarmasynyń málimetine súıensek, óńirde 2017 jyldan bastap mektep pen kolledj túlekteriniń sheteldik joǵary oqý oryndaryna ketýin azaıtý úshin «Bilikti maman» jobasy iske asyrylyp jatyr.

«Sonyń sheńberinde jeti jyl ishinde jergilikti bıýdjet qarajatyna oblys ákiminiń 2576 granty berildi. Shyǵys Qazaqstandaǵy eńbek naryǵynyń qajettilikterin eskere otyryp, medıtsına, aqparattyq-kommýnıkatsııalyq tehnologııalar, ınjenerııa, qurylys, veterınarııa jáne aýyl sharýashylyǵy salalary boıynsha granttar bólingen», - deıdi basqarma basshysy Inessa Chernysheva.

2021-2022 jyldary joba boıynsha 569 stýdent bilim alsa, onyń 438-i jumysqa ornalastyryldy (77%). 2023 jylǵy túlekter sany – 288. Onyń ishinde 224 adam, ıaǵnı 77,8%-y turaqty jumysqa turǵan.

«2016 jyly 1800 mektep túlegi taıaýdaǵy shet memleketterde oqýǵa túsken. Al 2023 jyly bul kórsetkish 270 adam bolyp otyr. Osylaısha, óńir mektepteri túlekteriniń taıaý sheteldegi joǵary oqý oryndaryna ketýi alty ese azaıdy», - deıdi basqarma basshysy.