ShQO-da shekteý sharalaryn buzýdyń 17 faktisi tirkeldi
Óńirde arnaıy qurylǵan monıtorıngtik toptar karantın talaptarynyń saqtalýyn qadaǵalaý úshin qoǵamdyq kólikterde, dúkenderde, dárihanalar men basqa da mekemelerde kún saıyn reıd júrgizýde.
«27 mamyr kúni Óskemen qalasynda 162 obekti tekserildi. Oblystyń Bas sanıtarlyq dárigeri belgilegen shekteý sharalaryn buzýdyń 6 faktisi tirkeldi. Sondaı-aq buryn anyqtalǵan maska rejımin buzý faktisine oraı jalpy somasy 43 755 teńge mólsherinde aıyppul salyndy», - delingen ShQO aqparat ortalyǵy taratqan málimette.
Semeıde 298 obektige tekserý júrgizilip, 12 buzýshylyq tirkeldi. 131 265 teńge kóleminde úsh hattama toltyrylyp, 43 755 teńge mólsherinde bir aıyppul óndirildi. Budan bólek, maska rejımin saqtamaǵan Shemonaıha aýdanynyń turǵynyna aıyppul salyndy.
Sonymen qatar Altaı, Rıdder, Kýrchatov qalalary men Ulan, Zaısan, Glýbokoe, Borodýlıha, Besqaraǵaı, Abaı, Aıagóz aýdandarynda sanıtarlyq-epıdemıologııalyq normalardyń saqtalýyn baqylaý maqsatynda reıdter júrgizilgen. Tekserý barysynda eshqandaı buzýshylyqtar anyqtalǵan joq.