ShQO-da shekteý sharalary 28 sáýirge deıin uzartyldy

ÓSKEMEN. QazAqparat – Shyǵys Qazaqstan oblysynda karantın shekteýi 28 sáýirge deıin uzartaldy, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha karantın 28 sáýirge deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.

Búginde COVІD-19 juqtyrǵan naýqastardy emdeýge arnalǵan ınfektsııalyq statsıonarlardaǵy tósek qorynyń toltyrylý deńgeıi – 6,4%. Oblys boıynsha ınfektsııanyń reprodýktıvtik R sany – 1,072 .

«Sondaı-aq osydan bylaı medıtsına qyzmetkerleri eńbek demalysyna, is saparǵa, naýqastanýyna jáne basqa da sebepterge baılanysty 5 kúntizbelik jáne odan da kóp kún jumys ornynda bolmaǵan jaǵdaıda profılaktıkalyq maqsatta COVID-19-ǵa PTR ádisimen zerthanalyq tekserýden ótetin bolady», - delingen qujatta.