ShQO-da shekaralyq aýdandardy damytýǵa 207 mlrd teńge bólinbek

ÓSKEMEN. QazAqparat – Shyǵys Qazaqstan oblysynda aldaǵy 5 jyldyń ishinde shekaralyq aýdandardy damytý úshin 207 mlrd teńge bólinedi, dep habarlaıdy QazAqparat.

«Kúrshim, Katonqaraǵaı, Zaısan, Tarbaǵataı jáne Úrjar aýdandaryn damytý maqsatynda arnaıy baǵdarlama ázirlendi. Ony iske asyrýǵa 207 mlrd teńge jumyldyrylady. Naqty aıtsaq, 36,4 mlrd teńge - kásipkerlik pen týrızmge, 41,4 mlrd teńge - agroónerkásiptik keshendi damytýǵa, 45,5 mlrd teńge - turǵyn úı salýǵa jáne ınjenerlik kommýnıkatsııalyq ınfraqurylymǵa, 25,7 mlrd teńge - áleýmettik salaǵa, 58,2 mlrd teńge - kólik ınfraqurylymyn damytýǵa jumsalmaq», - dedi ShQO ákimi Danıal Ahmetov turǵyndar aldyndaǵy esep berý kezdesýinde.

Onyń aıtýynsha, 2020-2024 jyldarǵa arnalǵan atalmysh baǵdarlama aıasynda 116 tirek aýyldy damytý kózdelip otyr.