ShQO-da sańyraýlar qoǵamynyń basshysy 115 mln teńge bıýdjet qarajatyn ıemdendi dep kúdikke ilindi

<p>ASTANA. KAZINFORM — Qazaqstandyq sańyraýlar qoǵamynyń «Shyǵys» korporatıvtik qorynyń basshysy áshkerelendi, dep habarlaıdy Sybaılas jemqorlyqqa qarsy is-qımyl agenttiginiń baspasóz qyzmeti.</p>

Shyǵys Qazaqstan oblysy boıynsha Sybaılas jemqorlyqqa qarsy qyzmet qazaqstandyq sańyraýlar qoǵamynyń «Shyǵys» korporatıvtik qorynyń basshysyn alaıaqtyq jasaǵany úshin áshkereledi.

— Ol múgedekterge ymdaý tili mamandary sýrdoaýdarma qyzmetterin kórsetti dep óz kartochkalyq shotyna 115 mln teńge somasynda bıýdjet qarajatyn aýdarym jasaý arqyly ıemdendi dep kúdiktelýde. Tergeý jalǵasýda, — dep atap ótti agenttik ókili.

Aıta keteıik, qylmystyq-protsestik kodekstiń 201-babyna sáıkes ózge aqparat jarııa etilmeıdi.

Buǵan deıin ShQO-da 780 áıel dekrettik tólemdi arttyrý úshin jeke kásipker retinde tirkelgeni anyqtaldy.