ShQO-da ruqsat etilmegen ádisterdi qoldaný faktisi boıynsha sotqa deıingi 75 tergeý bastaldy
ShQO Prokýratýrasy baspasóz qyzmetiniń málimetine súıensek, prokýrorlar qańtar oqıǵasyna qatysty ustalǵandar quqyqtarynyń saqtalýyn jáne sotqa deıingi tergeý barysynda zańdylyqty qamtamasyz etýde.
«Kún saıyn kezekshi prokýrorlar qamaýdaǵylardy aralaıdy, jeke qabyldaıdy. Dárigerler de olardyń densaýlyǵyn baqylaýda. Búginde ruqsat etilmegen tergeý ádisterin qoldaný faktilerin tekserý úshin sotqa deıingi 75 tergeý bastaldy.
Obektıvtilik maqsatynda olardy tergeý Sybaılas jemqorlyqqa qarsy qyzmetke tapsyrylyp, protsestik prokýrorlar taǵaıyndaldy», - delingen aqparatta.
Oblys prokýratýrasynda jáne Semeı qalasynyń prokýratýrasynda ustalǵandardyń týystaryn qabyldaý kún saıyn júrgizilýde. Osy ýaqyt ishinde 155 azamat qabyldandy.
«Óskemende jáne Semeıde prokýratýra basshylyǵymen kezdesýde advokattar ózderiniń qorǵaýyndaǵy adamdardy qamaýǵa alý bultartpaý sharasyn neǵurlym jeńilirek jazaǵa ózgertý týraly másele kóterdi. Prokýratýra ókilderi bultartpaý sharasyn ózgertý – tergeý sheńberinde ustalǵandardyń jasalǵan qylmystarǵa qatystylyǵy dárejesin jáne jeńildetetin mán-jaılardyń bolýyn eskerip qaralatynyn túsindirdi», - delingen habarlamada.