ShQO-da relsten shyǵyp Ertis ózenine qulaǵan shlak tıelgen vagondar áli sý astynda jatyr

ÓSKEMEN. QazAqparat – Shyǵys Qazaqstan oblysynda relsten shyǵyp ketip, Ertis ózenine qulaǵan shlak tıelgen vagondar áli kúnge deıin sýdan shyǵarylmaı jatyr, dep habarlaıdy QazAqparat tilshisi.

Eske salsaq, oqıǵa ótken jyldyń sáýir aıynda bolǵan.

Barlyǵy 18 vagon relsten shyǵyp ketken edi. Onyń ishinde rýda tıelgen 2, shlak tıelgen 4 vagon Ertis ózenine qulaǵan.

Alaıda áli kúnge deıin vagondar sýdan shyǵarylmaı jatyr.

ShQO ekologııa departamentiniń málimetine súıensek, ekologtar buǵan deıin ózennen sý synamasyn alyp zertteý júrgizdi.

Sonyń nátıjesinde, sýdan zııandy zattardyń shekti ruqsat etilgen kontsentratsııadan asý faktisi anyqtalǵan joq.

«Qazirgi ýaqytta «QTJ – Júk tasymaly» JShS fılıaly qalyptasqan jaǵdaıdyń sheshimin izdeýde. Jalpy oblysta ǵana emes, el boıynsha vagondardy ózen túbinen kóterip shyǵara alatyn kran joq. Talapqa sáıkes, QTJ vagondar men júktiń qalǵan bóligin 2024 jylǵa deıin kóterip shyǵarýǵa mindetti», - deıdi departament basshysy Danııar Álıev.