ShQO-da PTR anyqtamasy joq 200 jolaýshy poıyzdan qaldy
14:48, 03 Qarasha 2020
NUR-SULTAN. QazAqparat – ShQO-da poıyzǵa minbek bolǵan PTR anyqtamasyz 200 adam joldan qaldy. Bul týraly Kóliktegi bas memlekettik sanıtarlyq dáriger Sádýaqas Baıǵabylov málim etti, dep habarlaıdy QazAqparat tilshisi.
«ShQO-da poıyzǵa minbek bolǵan PTR-anyqtamasyz 200 adam joldan qalýǵa májbúr boldy. Olar Nur-Sultan, Almaty men Qyzylorda baǵytynda jol júrmek bolǵan», - dep habarlaıdy Sádýaqas Baıǵabylov.
Onyń habarlaýynsha 2 qarashada Semeıden jolaýshylar poıyzy arqyly Nur-Sultan, Almaty jáne Qyzylorda qalalaryna PTR test anyqtamasy bar 287 jolaýshy attanǵan. Vagondarǵa PTR test anyqtamasy joq 137 jolaýshy kirgizilmegen.
«Dál sol kúni Óskemennen Nur-Sultan men Almaty baǵyty boıynsha temir jol kóligi arqyly 44 jolaýshy attanyp, PTR test anyqtamasy bolmaǵan 63 adam vagonǵa kirgizilmedi. Jolaýshylardyń bılet quny 100 paıyz kóleminde qaıtarylyp berdi», - dep habarlaıdy Sádýaqas Baıǵabylov.