ShQO-da polıtseıler quqyq buzýshylyq týraly habarlaǵan adamnyń ózine aıyppul salǵan

<p>ÓSKEMEN. KAZINFORM &ndash; Shyǵys Qazaqstan oblysy Shemonaıha aýdanynda er adam kóshedegi zańbuzýshylyqty baıqap, polıtseılerdi shaqyrtqan. Alaıda tártip saqshylary onyń ózine aıyppul salyp tastaǵan.</p>

Shemonaıha aýdanynyń prokýratýrasy quqyq buzýshylyq týraly habarlaǵan azamatty negizsiz ákimshilik jaýapkershilikke tartý faktisin anyqtady.

Aýdan turǵyny qoǵamdyq orynda alkogoldik ishimdik ishken adamdy kórip, polıtsııa qyzmetkerlerin shaqyrǵan. Oqıǵa ornyna kelgen polıtseıler quqyq buzýshyny QR ÁQBtK-niń 440-baby 1-bóligi boıynsha ákimshilik jaýapkershilikke tartty. Biraq odan keıin ózderin shaqyrǵan azamatqa da esh negizsiz aıyppul salyp tastaǵan. 

«Aryzdanýshynyń azamattyq ustanymy men quqyq qorǵaý organdaryna kórsetken kómegine qaramastan, tártip saqshylary ony QR ÁQBtK-niń 438-baby 1-bóligimen (arnaıy qyzmetterge kórineý jalǵan qońyraý shalyp, shaqyrý) jaýapqa tartyp, 103 500 teńge aıyppul salǵan. Shemonaıha aýdany prokýratýrasynyń qaýlysymen polıtsııanyń zańsyz qaýlysy joıylyp, turǵynnyń quqyqtary qalpyna keltirildi», - dep habarlady ShQO prokýratýrasynan.

Jalpy aýdan prokýratýrasy jyl basynan beri azamattardy zańsyz ákimshilik jaýapkershilikke tartý faktileri boıynsha 9 azamatqa qatysty 1,1 mıllıon teńgege polıtsııa qyzmetkerleri qaýlylarynyń kúshin joıdy.