ShQO-da polıtsııa podpolkovnıgin soqqyǵa jyqqan aýyl turǵyny sottaldy
08:44, 17 Tamyz 2023
ÓSKEMEN. QazAqparat – ShQO-da polıtsııa podpolkovnıgin soqqyǵa jyqqan aýyl turǵyny sottaldy. Oqıǵa Samar aýdanynda bolǵan, dep habarlaıdy QazAqparat YK-news.kz-ke silteme jasap.
11 shildede polıtsııaǵa aýyldardyń birinde adam qaıtys bolǵany týraly habarlandy. Polıtsııa podpolkovnıgi K. kórsetilgen mekenjaıǵa bardy. Qaıtys bolǵan aýyl turǵynynyń uly qyzmetkerlerge agressııa tanytyp, podpolkovnıkke judyryq jumsady.
Kúrshim aýdandyq soty er adamdy Qylmystyq kodekstiń 380-babynyń 3-bóligi (bılik ókiline qatysty ómirge nemese densaýlyqqa qaýipti emes kúsh qoldaný) boıynsha aıypty dep tanyp, ony eki jylǵa bas bostandyǵynan aıyrý jazasyna kesti.