ShQO-da pnevmonııamen aýyrǵandar sany 2,3 ese ósti

<p>ÓSKEMEN. KAZINFORM &ndash; Shyǵys Qazaqstan oblysynda bıyl pnevmonııamen aýyrǵandar sany 2,3 esege ósip ketti.</p>

ShQO Densaýlyq saqtaý basqarmasy baspasóz qyzmetiniń málimetine súıensek, jyl basynan beri óńir boıynsha 5000-ǵa jýyq adamǵa «pnevmonııa» dıagnozy qoıylǵan. Onyń ishindegi 88 naýqas kóz jumdy.

- Bıyl pnevmonııaǵa shaldyqqandar sany ótken jylmen salystyrǵanda 2,3 esege artty. Kóbinese bul aýrý bakterııalar men vırýstardan taraıdy. Alaıda keıbir jaǵdaılarda sańyraýqulaqtar men parazıtter de adamdardyń pnevmonııamen aýrýyna sebep bolyp jatady, - delingen aqparatta.

Sondaı-aq jyl basynan beri oblysta koronavırýs ınfektsııasynyń zerthanalyq rastalǵan 54 deregi anyqtaldy.

Eske salsaq, osyǵan deıin ShQO-da 60-qa jýyq dáriger Túrkııa, Germanııa elderinde biliktilik arttyratyndyǵy habarlanǵan.