ShQO-da pırotehnıka satylatyn oryndarǵa reıd júrgizilip, 600-ge jýyq ónim tárkilendi

<p>Shyǵys Qazaqstan oblysynda pırotehnıka ónimderin zańsyz satýǵa jol bermes úshin arnaıy reıdter júrgizilýde, dep habarlaıdy <a href="Kazinform" target="_blank" rel="noopener">Kazinform</a>.</p>

Óńir qutqarýshylary men polıtseıleri birigip, sertıfıkattalmaǵan pırotehnıka ónimderi saýdasyna jol bermes úshin 60-qa jýyq reıd júrgizdi. Sonyń barysynda saýdagerlerde otshashýlardy satýǵa lıtsenzııanyń bar-joǵy tekseriledi.

Oblys boıynsha barlyǵy 43 reıdtik top qurylǵan. Olar jiti tekserý júrgizip, 559 dana kontrafaktilik ónimdi tárkilendi. QR ÁQBtK-niń 196-baby 1-bóligimen 13 hattama toltyryldy. Óskemen, Altaı, Rıdder qalalarynda, Kúrshim, Zaısan, Shemonaıha, Katonqaraǵaı, Glýbokoe jáne Tarbaǵataı aýdandarynda zańsyz saýda núkteleri anyqtaldy.

«Pırotehnıka saýdasy kún sáýlesi men jaýyn-shashynnyń ónimderge túsýin boldyrmaıtyn dúkenderde, pavılondarda jáne dúńgirshekterde ruqsat etiledi. Sol jerler shtattan tys jaǵdaılarda adamdar evakýatsııalana alatyndaı bolýy tıis jáne onda alǵashqy órt sóndirý quraldary bolýy qajet», - deıdi ShQO TJD memlekettik órt baqylaý basqarmasynyń bastyǵy Nurjan Ómirjanov.