ShQO-da Pfizer vaktsınasyna qatysty jedel jeli iske qosyldy
ShQO Aqparat ortalyǵynda ótken baspasóz konferentsııasy barysynda oblystyq Densaýlyq saqtaý basqarmasy basshysynyń orynbasary Elmıra Rahymbaeva Pfizer vaktsınasyna qatysty saýaldary bar óńir jurtshylyǵynyń qaıda habarlasa alatyndyǵyn aıtty.
«Qazaqstanda balalar men jasóspirimderdi amerıkalyq Pfizer vaktsınasymen egý naýqany bastaldy. Shyǵys Qazaqstanda bilim jáne densaýlyq saqtaý basqarmalarynyń mamandary tarapynan jumys toby quralǵan. Olar oblystaǵy vaktsınatsııa barysyn qadaǵalaıtyn bolady. Osy rette, ata-analar óz suraqtaryna jaýap ala alatyn 71-11-31 Call-ortalyǵy iske qosyldy. Sonymen qatar Óskemen qalasy Qazybek bı dańǵyly, 11 meken-jaıy boıynsha 305-kabınetke kelip keńes alýǵa bolady», - dedi ol.
Esterińizge sala ketsek, osyǵan deıin ShQO-da 2 myńǵa jýyq ata-ana balasyna ekpe saldyrýǵa kelisim bergeni habarlanǵan.