ShQO-da Pfizer vaktsınasyn 119 myń adam saldyrady dep josparlanǵan

ÓSKEMEN. QazAqparat – Shyǵys Qazaqstan oblysynda Pfizer vaktsınasyn 119 myń adam saldyrady dep josparlanǵan, dep habarlaıdy QazAqparat tilshisi.

ShQO ákimdiginiń málimetine súıensek, búgingi tańda óńir elimizde vaktsına saldyrý kórsetkishi boıynsha birinshi orynda tur. Ekpege qarsy kórsetilimderi joq halyqtyń 99,7 paıyzy vaktsınanyń birinshi komponentin saldyrǵan.

«Oblys boıynsha 343 statsıonarlyq kabınet, ekpe alýǵa bolatyn jyljymaly pýnktter jumys isteýde. Koronavırýs juqtyrǵandardy emdeıtin 39 aýrýhana bólimi bar. Qajet bolǵan jaǵdaıda taǵy 8000 tósek-oryn daıyn tur», - delingen aqparatta.

Jýyqta óńirge Pfizer vaktsınasynyń 35 myńnan astam dozasy jetkizilgen. Bul ekpe jospar boıynsha Shyǵys Qazaqstandaǵy 119 myń adamǵa salynýy tıis.