ShQO-da para alǵan departament bastyǵy 24 mln teńge aıyppul tóleıdi

ÓSKEMEN. QazAqparat - Shyǵys Qazaqstan oblysynyń qoǵamdyq densaýlyq saqtaý departamentiniń basshysy para alǵany jáne alaıaqtyq jasaǵany úshin sottaldy. Bul jóninde QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap QazAqparat habarlaıdy.

Shyǵys Qazaqstan oblysynyń sybaılas jemqorlyqqa qarsy qyzmeti ShQO qoǵamdyq densaýlyq saqtaý departamentiniń basshysy Ǵ.Q.Súleımenovke qatysty para aldy jáne alaıaqtyq jasady degen kúdikpen sotqa deıingi tergeýdi aıaqtady.

Oǵan qaramaǵyndaǵy qyzmetkerlerden jumysta qolaıly jaǵdaı jasap, kómekteskeni úshin 700 myń teńge kóleminde para aldy, sondaı-aq oryndalǵan jumys aktilerine qol qoıý kezinde alaıaqtyq jasady degen aıyp taǵylǵan bolatyn.

25 qyrkúıekte Óskemen qalasy №2 sotynyń úkimimen G.K.Súleımenovke para alǵany jáne alaıaqtyq jasaǵany úshin 24,5 mln teńge kóleminde aıyppul salyndy.

Ol memlekettik qyzmette jumys isteý quqyǵynan ómir boıyna aıyryldy.