ShQO-da panoramalyq terezeleri bar poıyzdar qatynaýy múmkin

<p>Shyǵys Qazaqstan oblysynda panoramalyq terezeleri bar poıyzdar qatynaýy múmkin dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

ShQO jolaýshy kóligi jáne avtomobıl joldary basqarmasynyń málimetine súıensek, óńir boıynsha panoramalyq terezesi bar poıyzdardy iske qosý máselesi qarastyrylyp jatyr.

Jospar boıynsha osyndaı poıyzdar Óskemen, Altaı jáne Rıdder qalalary arasynda júredi.

«Mundaǵy maqsat – oblys týrızmin damytý, poıyz arqyly qatynaıtyn saıahatshylardyń sanyn arttyrý. Búginde panoramalyq vagondar shyǵaratyn naryq zerttelý ústinde. Eger iske asyrylyp jatsa osyndaı poıyzdar «Óskemen-1-Altaı» jáne «Óskemen-1-Rıdder» baǵyttarynda qatynaıdy», - delingen aqparatta.

Eske salsaq, osyǵan deıin elimizde poıyzben jolaýshy tasymalyn sýbsıdııalaýǵa 52,2 mlrd teńge bólinetini habarlanǵan.