ShQO-da pandemııa bastalǵaly qaı qala, aýdanda vırýs juqtyrǵandar jıi tirkeldi

ÓSKEMEN. QazAqparat – Shyǵys Qazaqstan oblysynda pandemııa bastalǵaly beri 60 myńǵa jýyq adam koronavırýsqa shaldyqqan, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, COVID-19 pandemııasy bastalǵaly beri óńir aýmaǵynda 59 476 adam vırýs juqtyrǵan.

Onyń ishinde naýqastar Óskemende (22 080 adam), Semeıde (19 689), Glýbokoe aýdanynda (2890), Rıdder qalasynda (2275) jáne Altaı aýdanynda (2060) jıi tirkeldi. Al koronavırýsqa shaldyqqandar sany Kúrshim (323), Úrjar (205), Abaı (192) aýdandarynda eń az.

«Oblysta sońǵy táýlikte COVID-19 ınfektsııasyn juqtyrǵan 11 adam tirkeldi. Onyń ishindegi 10 naýqasta sımptom bar bolsa, 1 adam syrqatty sımptomsyz ótkerýde. Bir kúnde 20 patsıent koronavırýstan tolyqtaı saýyǵyp shyqty. Qazirgi ýaqytta oblys boıynsha statsıonar jaǵdaıynda 138 naýqas em-dom qabyldap jatyr», - delingen aqparatta.

Jalpy Shyǵys Qazaqstandaǵy statsıonarlarda tósek-oryn júktemesi 6,5 paıyzdy quraıdy.