ShQO-da pandemııa bastalǵaly 11 myń naýqasta koronavırýs sımptomdary bolmaǵan

​ÓSKEMEN. QazAqparat - Shyǵys Qazaqstan oblysynda koronavırýs pandemııasy bastalǵaly dertke shaldyqqan 11 813 adamda aýrý sımptomdary bolmady, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde sońǵy táýlikte COVID-19 ınfektsııasyn juqtyrǵan 2 adam tirkeldi.

«Bir kúnde 7 patsıent koronavırýstan tolyqtaı saýyǵyp shyqty. Qazirgi ýaqytta oblys boıynsha statsıonar jaǵdaıynda 54 naýqas em-dom qabyldap jatyr. Jalpy Shyǵys Qazaqstandaǵy statsıonarlarda tósek-oryn júktemesi – 4,6 paıyzdy quraıdy», - delingen aqparatta.

Jalpy pandemııa bastalǵaly beri aımaq boıynsha 59 552 adam vırýs juqtyrǵan. Onyń ishinde 11 813 adamda, ıaǵnı 20 paıyzynda aýrý sımptomdary bolǵan joq.

Esterińizge sala ketsek, osyǵan deıin elimizde ótken táýlikte 22 adamnan koronavırýs ınfektsııasynyń anyqtalǵany habarlandy.