ShQO-da ózin bankrot dep taný úshin 30 adam sotqa júgindi
ShQO soty baspasóz qyzmetiniń málimetine súıensek, óńir turǵyndary arasynda ózin bankrot dep taný úshin sotqa júginip jatqandar bar. Alaıda olardyń kóbisine zań boıynsha bas tartylǵan.
«Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» Zań 2023 jylǵy 3 naýryzda kúshine engen. Qaryzy bar jáne ony óteı almaı júrgen azamattar zańgerdiń kómegimen bankrottyq týraly aryz bere aldy. Osy ýaqytqa deıin Shyǵys Qazaqstanda barlyǵy 30 adam bankrottyq jarııalaý úshin sotqa aryzdanǵan», - deıdi oblystyq sottyń azamattyq ister jónindegi sot alqasynyń tóraǵasy Dýlat Salatov.
Onyń ishinde 22-sine zań boıynsha bas tartyldy.
«Qalǵan qaralyp jatqan ister áli apellıatsııalyq satyda. Bul jańa zań bolǵandyqtan keıbir jaǵdaılarda qıyndyqtar da týyndap jatyr. Máselen, birneshe adam ortaq jaýapkershilikte bolǵanda bir adamdy bankrot dep taný qıyn», - deıdi D. Salatov.