ShQO-da otqa oranǵan jer úıden 2 gaz ballony shyǵaryldy
ShQO Tótenshe jaǵdaılar departamenti baspasóz qyzmetiniń málimetine súıensek, Úrjar aýdanyndaǵy jeke turǵyn úıde órt shyqqan. Jalpy aýdany 35 sharshy metrdi quraǵan qyzyl jalyn jıhazdy, turmystyq tehnıka men jeke zattardy sharpydy.
«Aldyn ala boljam boıynsha órttiń shyǵýyna – peshti paıdalaný kezinde qaýipsizdik talaptaryn saqtamaý sebep bolǵan. Oqıǵa ornyna shuǵyl kelip jetken qutqarýshylar janyp jatqan úıden 2 gaz ballonyn alyp shyqty. Kóp uzamaı ot tolyqtaı aýyzdyqtaldy», - delingen habarlamada.
Óskemende «Altaı sadovod» baý-baqsha qaýymdastyǵyndaǵy jer úıdiń shatyry, jıhaz, turmystyq tehnıka men jeke zattar órtendi. Jalynnyń jalpy aýdany – 50 sharshy metr. Ottyń shyǵýyna – elektr jabdyqtaryn montajdaý jáne paıdalaný kezinde qaýipsizdik talaptaryn saqtamaý sebep bolǵan.
Sondaı-aq Shemonaıha aýdany Qonaev aýylyndaǵy Tsentralnaıa kóshesinde ornalasqan jeke turǵyn úıde tereze jáne esik bloktarynyń aǵash kurylymdary, jıhaz, turmystyq tehnıkany órt sharpydy. Órt sóndirýshiler 20 sharshy metrge taraǵan jalyndy óshirdi.