ShQO-da órtengen úıden 14 jastaǵy bozbala qutqaryldy
20:19, 06 Qańtar 2025
<p>ÓSKEMEN. KAZINFORM – Shyǵys Qazaqstan oblysy Altaı aýdanynda qutqarýshylar órtengen úıden bozbalany aman alyp shyqty.</p>
ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa Altaı aýdany Serebrıansk qalasynda bolǵan.
- Jeke turǵyn úı aýmaǵyndaǵy sharýashylyq qora-jaıda órt shyqty. Órt qas qaǵymda úıge de taraı bastady. Qutqarýshylar barlaý júrgizý barysynda tútinge oranǵan úıdiń bólmesinen 14 jastaǵy bozbalany syrtqa alyp shyqty. Onyń jaǵdaıy qanaǵattanarlyq. Tekserýden keıin bala medıtsınalyq kómekke muqtaj bolǵan joq, - delingen aqparatta.
Kóp uzamaı jalpy aýdany 80 sharshy metr tilsiz jaý tolyqtaı sóndirildi. Órttiń shyǵý sebebi anyqtalyp jatyr.
Eske salsaq, osyǵan deıin Rıdderde órtengen úıden 49 jastaǵy er adam qutqarylǵany habarlanǵan.