ShQO-da órt sóndirý jumystary jalǵasyp jatyr

ASTANA. QazAqparat – Shyǵys Qazaqstanda orman órtin sóndirý jumystary boıynsha jedel sharalar qabyldandy, dep habarlady QazAqparat.

«Asýbulaq orman sharýashylyǵynyń aýmaǵynda taýly, jartasty, jetýi qıyn jerlerde shamamen 20 ga alańda qurǵaq shóp pen butalardyń órti sóndirilýde. Eldi mekenderge qaýip joq», – delingen Tótenshe jaǵdaılar mınıstrligi habarlamasynda.

Órtti sóndirýge ShQO áýe bólimshesiniń 2 tikushaǵy, «Qazavıaqutqarý» AQ-nyń 2 tikushaǵy jáne Qorǵanys mınıstrliginiń 1 tikushaǵy tartylyp, 72 ret sý tógildi. Ormanshylardan, órt sóndirýshilerden jáne JAO-dan 200-den astam adam, 25 tehnıka jumyldyryldy.