ShQO-da órt qaýipsizdigi talaptaryn buzǵan 230-dan astam adam anyqtaldy
ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha órt qaýpi joǵary kezeń bastalǵaly beri 31 orman órti tirkeldi. Tilsiz jaýdyń jalpy aýmaǵy 310,83 gektardy quraǵan. Budan bólek, oblysta 1734 gektar aýmaqta 79 dala órti shyqqan.
«Osyǵan oraı órt sóndirýshiler, ormanshylar, polıtsııa qyzmetkerleri jáne jergilikti atqarýshy organ ókilderinen quralǵan 69 mobıldi top reıdterge shyǵyp, halyqqa túsindirý jumystaryn júrgizýde. Tekserý barysynda órt qaýipsizdigi talaptaryn buzǵan 230 adam QR ÁQBtK-niń 336-babyna sáıkes ákimshilik jaýapkershilikke tartyldy», - dep habarlady vedomstvo ókilderi.
Kóp jaǵdaıda órttiń shyǵýyna turǵyndardyń otpen abaısyz áreket etýi sebep bolyp jatady. Sondyqtan ot jaqqan kezde saqtyq sharalaryn qatań saqtaǵan jón.