ShQO-da ormandaǵy órtti sóndirýge Ulttyq ulan sarbazdary attandy

ÓSKEMEN. QazAqparat – Shyǵys Qazaqstan oblysy Besqaraǵaı aýdany aýmaǵyndaǵy «Semeı ormany» memlekettik orman tabıǵı rezervatyndaǵy órtti aýyzdyqtaýǵa Ulttyq ulan sarbazdary attandy, dep habarlaıdy QazAqparat tilshisi.

«Búgin saǵat 08.00-de Ulttyq ulannyń «Shyǵys óńirlik qolbasshylyǵyna qarasty 68303 áskerı bóliminiń mehanıkalandyrylǵan qutqarý otrıady Besqaraǵaı aýdanyna jol tartty. Ulttyq ulannyń 70-ten astam qutqarýshylary men 8 arnaıy tehnıkasy TJD quramymen birge Baıdáýle orman sharýashylyǵy aýdanyndaǵy órtti sóndirý jáne apattyq-qutqarý jumystaryna jumyldyrylǵan», - deıdi UU «Shyǵys» ÓQ baspasóz qyzmetiniń bastyǵy Baǵdat Amangeldi.

Esterińizge sala ketsek, keshe ShQO-daǵy «Semeı ormany» memlekettik orman tabıǵı rezervatynda órt shyqqany habarlanǵan.

Búgin atalmysh aımaqqa Kókshetaýdan MI-26T alyp tikushaǵy ushyp shyqqandyǵy jazyldy.