ShQO-da ormandaǵy órtpen kúres jalǵasýda, tikushaqpen 120 ret sý tógildi

ÓSKEMEN. QazAqparat – Shyǵys Qazaqstan oblysy Ulan aýdanyndaǵy orman órtiniń beti qaıtpaı jatyr, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Ulan aýdany Asýbulaq orman sharýashylyǵy aýmaǵynda taýly, jartasty, jetýi qıyn jerde shóp pen buta órtengen. Tilsiz jaýmen kúres áli jalǵasýda. Jaqyn mańdaǵy eldi mekenderge tónip turǵan qaýip joq.

«Órtti sóndirýge qalyń shóp, taý men jartasty jerler qıyndyq keltirýde. Osyndaı jaǵdaıda otty aýyzdyqtaýǵa tikushaqtyń kómegi zor. Eń áýeli «Qazavıaormanqorǵaý» mekemesiniń MI-2 tikushaǵymen órt bolǵan jerge aerovızýaldy tekserý júrgizildi», - delingen aqparatta.

«Qazavıaqutqarý» mekemesiniń MI-8, Qorǵanys mınıstrliginiń MI-17 jáne ShQO áýe bólimsheleriniń MI-8 tikushaqtary sý tógetin qurylǵylarmen órtti sóndirýde. Osy ýaqytqa deıin barlyǵy 120 ret sý tógildi.

Aıta keteıik, jalpy qyzyl jalynmen kúreske ormanshylardan, órt sóndirýshilerden jáne jergilikti atqarýshy organdardan 250-den astam adam, 35 tehnıka jáne 5 tikushaq jumyldyrylǵan.