ShQO-da orman órtteriniń aldyn alý úshin halyqqa túsindirý jumystary júrgizilýde
ShQO Tótenshe jaǵdaılar departamenti baspasóz qyzmetiniń málimetine súıensek, órt sóndirýshiler, ormanshylar, polıtsııa qyzmetkerleri jáne jergilikti atqarýshy organ ókilderinen quralǵan 69 mobıldi top orman aýmaǵyna monıtorıng júrgizýde. Sonyń nátıjesinde, órt qaýipsizdigi talaptaryn buzǵan 230 adam ákimshilik jaýapkershilikke tartylǵan.
Orman-dala aýmaǵynda órt qalaı bastalatynyn kórsetý úshin qutqarýshylar shynynyń kómegimen arnaıy eksperıment jasady. Aýanyń joǵary temperatýrasy kóbinese turǵyndar tastap ketken qoqystan qurǵaq shóptiń janýyna jáne ottyń ormanǵa taraýyna ákep soǵady.
- Sondaı-aq departament mamandary sóndirilmegen temeki tuqyly men ottan órt birden shyǵatynyn kórsetti. Mobıldi toptar azamattarǵa ormanda otpen abaı bolý qajettigin, órt qaýipsizdigi erejerin qatań saqtaý kerektigin eskertti. Qoqys jaǵýǵa jáne qurǵaq shópti órteýge bolmaıdy. Bul erejeler este saqtalý úshin TJD qyzmetkerleri men ormanshylar turǵyndarǵa jadynamalar taratty, - dep habarlady vedomstvo ókilderi.
Mamandardyń aıtýynsha, tabıǵı órttiń saldary aýyr. Otty sóndirý kezinde onyń taralýyn, aýa temperatýrasyn, jeldiń jyldamdyǵyn jáne ottyń baǵytyn aıqyndaý kerek.