ShQO-da orman órtiniń aldyn alý úshin 129 reıd júrgizildi
Ótken jyly Shyǵys Qazaqstan ormandarynda 77 ret órt shyqqan. Otqa oranǵan jalpy aýmaq – 502 gektar. Sonyń saldarynan memleketke keltirilgen shyǵyn - 35,5 mln teńge.
«Bul 2022 jyldyń dál osyndaı órt qaýipti kezeńimen salystyrǵanda 31 ese az. Órt sóndirýshiler men orman sharýashylyǵy mekemeleri qyzmetkerleriniń kelisilgen jáne jergilikti atqarýshy organnyń jedel áreketiniń arqasynda órtter men materıaldyq shyǵyn aýmaǵy on ese azaıǵan», - deıdi ShQO Tótenshe jaǵdaılar departamenti memlekettik órt baqylaý basqarmasynyń bastyǵy Nurjan Ómirjanov.
Onyń aıtýynsha, bıyl oblysta órt sóndirý maýsymy 8 sáýirde bastaldy. Orman órtterin joıý úshin azamattyq qorǵaý kúshterinen, polıtseılerden, orman sharýashylyǵy mekemelerinen jáne jergilikti atqarýshy organdardan 279 adamnan turatyn 50 mobıldi top quryldy. Kóktem shyqqaly osy ýaqytqa deıin barlyǵy 129 reıd júrgizilgen.