ShQO-da oqýshylar jármeńke ótkizip, jınalǵan aqshany sý tasqynynan zardap shekken halyqqa jiberdi

<p>ÓSKEMEN. KAZINFORM &ndash; Shyǵys Qazaqstan oblysynyń turǵyndary sý tasqynynan zardap shekken óńirlerdiń jurtshylyǵyna gýmanıtarlyq kómek jiberýde. Osy ıgi amaldan oqýshylar da qalys qalmady.</p>

Gýmanıtarlyq kómek jınaý naýqany oblystyń barlyq qala, aýdanynda ótýde. Eriktiler, kásipkerler, etnomádenı birlestikter, janashyr jandar azyq-túlik, kıim-keshek, dári-dármek, jıhaz jáne aqsha ákelýde. 

«Osy ýaqytqa deıin 25 tonna gýmanıtarlyq kómek jınaldy. «Qazaqstan temir joly» UK» AQ-nyń qoldaýymen vagondarǵa salyp, jónelttik. Tıeýge volonterler, áskerı-tehnıkalyq oqý ornynyń stýdentteri kómektesti. Kómek jınaý áli de jalǵasady. Qabyldaý pýnktteri - Shyǵys Qazaqstan volonterleriniń jáne Qazaqstan halqy assambleıasynyń front-keńselerinde ornalasqan», - deıdi oblystyq volonterler front-keńsesiniń basshysy Aıdos Ádilbekov. 

Igi amaldan mektep oqýshylary da qalyp qalmady. Ulan aýdanynyń oqýshylary jármeńke ótkizip, onda ata-analarynyń kómegimen daıyndaǵan taǵamdaryn usyndy. Barlyǵy 100 myń teńge jınalyp, sý tasqynynan zardap shekkenderge jiberildi.