ShQO-da oqshaýlaý rejımin buzǵan 50 adam jaýapqa tartyldy

ÓSKEMEN. QazAqparat – Shyǵys Qazaqstan oblysynda ózin-ózi oqshaýlaý rejımin buzǵan 50 adam jaýapqa tartyldy, dep habarlaıdy QazAqparat tilshisi.

ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, oqshaýlaný tártibin elemegen 50 adamǵa qatysty QR «Ákimshilik quqyq buzýshylyq týraly» kodeksiniń 425-baby 1-bóligine sáıkes hattama toltyrylǵan.

«Onyń ishinde Semeıde 27 turǵyn bolsa, Óskemen qalasynda – 12, Kýrchatovta – 2, Aıagóz aýdanynda – 3, Ulanda – 2 jáne Borodýlıha, Zaısan, Kókpekti, Tarbaǵataı aýdandarynda 1 adamnan anyqtalyp otyr. Salynǵan aıyppuldyń jalpy mólsheri – 2 mln teńgeden asty», - delingen aqparatta.

Osy rette, departament mamandary halyqty karantın talaptary men respýblıkalyq, oblystyq Bas memlekettik sanıtarlyq dárigerlerdiń qaýlylaryndaǵy barlyq shekteýlerdi saqtaýǵa shaqyrady.