ShQO-da muz ústindegi qaýipsizdikke baılanysty 934 reıd ótkizildi

ÓSKEMEN. QazAqparat – Shyǵys Qazaqstan oblysynyń qutqarýshylary muz ústindegi qaýipsizdik erejelerin túsindirý úshin 934 reıd ótkizdi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar muz ústinde qaýipsizdik sharalaryn buzýshylyqtyń aldyn alýdy jalǵastyrýda. Qystyń basynan beri óńir boıynsha 934 reıd ótkizilip, 8839 adam qamtyldy.

«Jurtshylyqqa muz ústinde ózin ózi ustaýdyń qaǵıdalary túsindirilip, jadynamalar taratyldy. 4140 balyqshyǵa nusqaýlyq júrgizilip, oqýshylarǵa 134 ınteraktıvti sabaq uıymdastyryldy. Oblys aýmaǵyna 119 eskertý jáne tyıym salý belgisi ornatyldy», - delingen aqparatta.

TJD mamandarynyń aıtýynsha, azamattardyń kópshiligi beıtanys sý qoımalaryna baryp, balyq aýlap jatady. Sondyqtar qaıǵyly oqıǵalardyń aldyn alý úshin qaýipsizdik sharalaryn qatań saqtaǵan jón. Kúzgi-qysqy kezeńniń basynan beri óńirde 3 adam sýǵa ketken.