ShQO-da muqtaj jandarǵa bıznes ashýǵa 300-ge jýyq grant bólinedi
Óńir boıynsha bıyl óz kásibin ashqysy keletinderge 745 mln teńge somasyna 608 grant berý josparlanýda. Onyń ishinde jastarǵa – 312, áleýmettik turǵyda osal sanattaǵylarǵa – 296 grant. Bul týraly Aımaqtyq kommýnıkatsııalar qyzmetinde ótken baspasóz brıfıngi barysynda ShQO Jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary Doshan Qaıyrǵazınov málim etti.
«Osy jyldan bastap bıznes-jobalardy iske asyrýǵa bólinetin granttardy jastar men halyqtyń áleýmettik osal toptary ala alady. Ekinshi sanatqa ataýly áleýmettik kómek alýshylar, kópbalaly otbasylar, asyraýshysynan aıyrylǵandyqtan áleýmettik járdemaqy alatyndar, eńbekke qarsy kórsetilimderi joq múgedek adamdar, múmkindigi shekteýli balany tárbıelep otyrǵandar jáne qandastar jatady», - dedi ol.
Búginde oblys boıynsha 15 mln teńgege 12 grant berildi. Grant alýǵa ótinish bergenge deıin úmitkerler jumyssyz nemese jeke kásipker retinde tirkelýi nemese biryńǵaı jıyntyq tólemdi tóleýi tıis. Jıyrma toǵyz jasqa tolmaǵan jas kásipkerler jeke kásipker retinde tirkelýge mindetti.
«25 shildede elektrondy eńbek bırjasynda onlaın formatta «Bastaý-Bıznes» jobasy boıynsha kásipkerlik negizderine oqytý bastaldy. Qazir óz isin júrgizýdiń qyr-syryn 682 adam oqyp jatyr», - dedi Doshan Qaıyrǵazınov.