ShQO-da muqtaj otbasy balalaryn kıindirýge 670 mln teńge bólindi

ÓSKEMEN. QazAqparat – Shyǵys Qazaqstan oblysynda muqtaj otbasynan shyqqan oqýshylardy mektep formasymen jáne aıaq kıimmen qamtýǵa 670 mln teńge bólindi, dep habarlaıdy QazAqparat tilshisi.

ShQO bilim basqarmasynyń málimetine súıensek, óńir boıynsha 1 tamyzda «Mektepke jol» aktsııasy bastaldy. Ol 30 qyrkúıekke deıin jalǵaspaq.

«Mundaǵy basty maqsat – az qamtylǵan jáne kópbalaly otbasylardan shyqqan oqýshylarǵa, jetim jáne ata-anasynyń qamqorlyǵynsyz qalǵan balalarǵa materıaldyq qoldaý kórsetý. Aktsııa aıasynda oblystyń árbir turǵyny balalardy mektepke daıyndaýǵa kómektese alady. Qazirgi ýaqytta óńirlik is-sharalar jospary bekitilip qoıǵan. Atap aıtqanda, mektep quraldary jeńildetilgen baǵamen satylatyn arnaıy jármeńkeler, jergilikti qaıyrymdylyq aktsııalary, sebepsiz sabaqqa kelmeıtin oqýshylardy anyqtaýǵa baǵyttalǵan reıdter josparlanyp otyr», - deıdi basqarma basshysy Saırangúl Jumadilova.

Sonymen qatar balalardy teatr men murajaılarǵa tegin aparý kózdelip otyr.

Aktsııany ótkizýge metsenattar, kásipkerler men janashyr azamattar kómek kórsetedi dep josparlanǵan.

«Jańa oqý jylynda 342 mektepte 95 myńnan astam oqýshy bilim alady. Onyń ishinde 21 myńnan astam oqýshyǵa qoldaý kórsetilmek. Ol úshin oblystyq bıýdjetten 1,9 mlrd teńge kóleminde qarajat bólindi. Muqtaj otbasydan shyqqan balalarǵa mektep formasy men aıaq kıim satyp alýǵa 670 mln teńge qarastyrylǵan», - deıdi Saırangúl Jumadilova.