ShQO-da muǵalimder men jastar Prezıdent Joldaýy jaıly pikirlerin ortaǵa saldy
Memleket basshysy Qasym-Jomart Toqaevtyń Qazaqstan halqyna Joldaýyn Amanat partııasynyń jastary men jas pedagogtar talqyǵa saldy. Erkin pikir alańynda Joldaýdaǵy jýyq arada júzege asyrylatyn saıası reformalardyń jańa baǵdarlamasy jáne áleýmettik-ekonomıkalyq baǵytta atqarylatyn is-sharalar sóz etildi. Sondaı-aq qatysýshylar el jastarynyń erteńgi bolashaǵy men olarǵa qazir artylǵan zor senim jaıly pikirlerimen bólisti.
«Bul Joldaýdyń basym baǵyttary jastardyń áleýmettenýine zor múmkindikter jasap, kemel keleshekke qadam bastaıtynyna senimim mol. Prezıdent «Qaǵaz betinde ǵana júzege asyrylǵan, biraq shyndyqqa esh janaspaıtyn jalǵan tabystarǵa masattanyp otyratyn zaman kelmeske ketti» dedi. Parlamenttiń rólin kúsheıtip, saılaý júıesine qatysty naqty ózgeristerdi atap ótti. Memleket basshysynyń barlyq bastamalary ózekti. Endi jańa Qazaqstannyń jańarý men jańǵyrý jolynda bárimiz aıanbaı eńbek etýimiz kerek», - dedi Óskemen qalasyndaǵy Shákárim atyndaǵy №1 orta mektebiniń dırektory Ádil Saılaýbek.
Sondaı-aq shara barysynda jastardyń jumyssyzdyǵy, aýyl jastarynyń áleýeti jáne jas mamandardyń turǵyn úı máselesi talqyǵa tústi.
Amanat partııasy jastar qanatynyń Shyǵys Qazaqstan oblystyq fılıalynyń tóraǵasy Almas Aıtmuqash 2025 jylǵa deıingi «Jastar-Otanǵa!» baǵdarlamasy sheńberinde naqty ındıkatorlar baqylaýǵa alynyp, oryndalatyndyǵyn jetkizdi.