ShQO-da mereke kúni 18 ul, 16 qyz bala dúnıe esigin ashty

ÓSKEMEN. QazAqparat – Shyǵys Qazaqstan oblysynda 8 naýryz kúni 34 náreste jaryq dúnıe esigin ashty, dep habarlaıdy QazAqparat tilshisi.

ShQO densaýlyq saqtaý basqarmasy baspasóz qyzmetiniń málimetine súıensek, 8 naýryz – Halyqaralyq áıelder kúninde óńir boıynsha ul sábıler jıirek dúnıege kelgen.

Onyń ishinde Óskemen qalasynda ul bosanǵan áıelder úsh ese kóp.

«Mereke kúni oblysta 34 náresteniń kindigi kesildi. Onyń 18-i - ul, 16-sy - qyz. Óskemende bul kúni 12 bala dúnıege kelse, onyń 9-y - ul, 3-i - qyz. Barlyq jańa týǵan náresteler men analardyń jaǵdaıy jaqsy», - delingen aqparatta.

Esterińizge sala ketsek, osyǵan deıin ShQO dárigerleriniń attan qulaǵan er adamǵa kúrdeli ota jasaǵanyn habarlaǵan edik.