ShQO-da Memlekettik qyzmet isteri departamentine jańa basshy taǵaıyndaldy

ÓSKEMEN. QazAqparat - Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń buıryǵymen Baqtııar Qamalov Shyǵys Qazaqstan oblysy departamentiniń basshysy, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Ádep jónindegi keńesiniń tóraǵasy bolyp taǵaıyndaldy, dep habarlaıdy «Qazaqparat» HAA tilshisi vedomstvonyń baspasóz qyzmetine silteme jasaı otyryp.

Baqtııar Qamaluly 1957 jyly 10 qyrkúıekte týǵan. Fılolog, ekonomıst jáne zańger mamandyqtary boıynsha úsh joǵary bilimi bar. 1980 jyldan bastap mektepte muǵalim bolyp jumys istedi.  Keıin mektep basshysy jáne birqatar túrli memlekettik organda istegen.

2013 jyldan bastap QR Memlekettik qyzmet isteri agenttiginiń Almaty qalasy boıynsha Departamentiniń basshysy - Tártiptik keńes tóraǵasy bolyp eńbek etti.

2014 jylǵy qarashada QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamenti basshysynyń orynbasary - Almaty qalasy Tártiptik keńes tóraǵasy bolyp taǵaıyndaldy.

2016 jylǵy qańtardan bastap qazanǵa deıin QR Memlekettik qyzmet isteri mınıstrliginiń Almaty qalasy boıynsha Departamentiniń basshysy, Ádep jónindegi keńesiniń tóraǵasy  bolyp qyzmet istedi.

«Eren eńbegi úshin» medalimen, «Qazaqstan Konstıtýtsııasyna 20 jyl» mereıtoılyq medalimen marapattalǵan.