ShQO-da memqyzmetshilerdiń 64 paıyzy - áıelder
Búgingi tańda óńirde memlekettik qyzmette 7940 adam eńbek etýde. Bul kórsetkish boıynsha ShQO respýblıkada ekinshi orynda. Memlekettik qyzmetshilerdiń ortasha jasy – 41. Onyń ishinde 196 adam zeınet jasyna taıaǵandar. Áıelderdiń úlesi – 64%-dy qurap otyr. Al 17% -y basshylyq laýazymdardy atqarýda. Memlekettik qyzmetshilerdiń 90%-y joǵary bilim alǵan.
«Shyǵys Qazaqstanda memlekettik qyzmetten basqa jumysqa aýysatyndar kóp. Buǵan kóbinese jalaqynyń azdyǵy, júktemeniń kóptigi, jumys kestesiniń aýyr bolýy sebep», - dedi Memlekettik qyzmet isteri jáne sybaılas jemqorlyqqa qarsy is-qımyl agenttigi ShQO boıynsha departamentiniń basshysy Janna Qabdoldaqyzy Semeıde ótken jınalysta.
Sondaı-aq ol memlekettik qyzmetshilerge ótken jyldyń sońynda sybaılas jemqorlyqqa qatysty zańǵa engizilgen ózgeristerdi túsindirip, taǵaıyndalatyn jaza túrlerin aıtyp berdi.