ShQO-da mektepter men aýrýhanalar kúrdeli jóndeýden ótedi
Bul jaıly aımaq basshysy Danıal Ahmetov óziniń Facebook paraqshasynda jazdy.
«Jumyspen qamtýdyń jol kartasy» baǵdarlamasy» boıynsha óńirimizde 800-den astam ınfraqurylymdyq joba júzege asyrylmaq. Bul jobalardy bekitý barysynda biz qalalar men aýdandardaǵy máselelerdi keshendi sheshýge basa nazar aýdardyq. Mysaly, bilim jáne densaýlyq saqtaý salasyndaǵy jobalar aǵymdaǵy emes, kúrdeli jóndeýge baǵyttalǵan. Osylaısha, aldaǵy jyldarda oblystyń kóptegen mektepteri men aýrýhanalaryn jóndeý máselesin sheshemiz», - dedi ákim.
Onyń aıtýynsha, búgingi kúni 327 joba boıynsha kelisim-shart jasalǵan. Osy aıdyń ishinde barlyq rásimder tolyqtaı aıaqtalady.
«Bul rette belgilengen tártiptiń baryn erekshe atap ótkim keledi. Memlekettik satyp alý - sybaılas jemqorlyqqa ushyraıtyn salalardyń biri ekeni belgili. Sondyqtan bizdiń «Shyǵys - adaldyq alańy» keńsesi Antıkor qyzmetimen birlesip, turaqty túrde monıtorıng júrgizedi. Taldaýǵa memlekettik satyp alýdyń qoldanystaǵy sharttary da jatady», - dedi Danıal Ahmetov.