ShQO-da mektep oqýshylarynyń 60%-dan astamy dástúrli formatta oqýǵa kóshti

ÓSKEMEN. QazAqparat – Shyǵys Qazaqstan oblysynda jańajyldyq demalystan keıin óńir mektepterindegi 60%-dan astam oqýshy dástúrli formatta oqýdy bastady, dep habarlaıdy QazAqparat tilshisi.

Qazaqstannyń Bas sanıtarlyq dárigeri Erlan Qııasovtyń qaýlysyna sáıkes, 2020-2021 oqý jylynyń úshinshi toqsanynan bastap kontıngenti 300-ge deıingi qalalyq jáne aýyldyq jerlerdegi jalpy bilim beretin mektepterde 1-11 synyp oqýshylary, 1-5 synyp oqýshylary dástúrli oqytý formatyna kóshti. Oqytýdyń aralas formaty bitirýshi synyptar úshin ruqsat etilgen. Bul rette pánderdiń 70%-y shtattyq rejımde, al 30%-y qashyqtan ótýi tıis.

Osylaısha, Shyǵys Qazaqstanda 121 myńnan astam oqýshy dástúrli formatta oqýdy bastady. Mektepterdegi sabaqtar barlyq sanıtarlyq normalardy qatań saqtaı otyryp ótýde.

Parlament Májilisi men máslıhattar saılaýynyń ótýine baılanysty bilim berý nysandary saılaý ýchaskeleri retinde jumyldyryldy. ShQO Bilim basqarmasynyń málimetinshe, óńirde saılaý ýchaskeleri 527 mektepte ornalasqan. Osy rette, daýys berý ótkizilgen mekemelerde sanıtarlyq-epıdemıologııalyq qaýipsizdikti qamtamasyz etý úshin 10 jáne 11 qańtarda dezınfektsııa júrgizildi.

Sonymen qatar ShQO Bas sanıtarlyq dárigeri mindetin atqarýshynyń qaýlysy boıynsha saılaý komıssııalarynyń músheleri 72 saǵatqa úı karantınine jiberilgen. Sonyń ishinde búgingi tańda óńirde 1805 pedagog oqshaýlandy. Olar óz jumystaryn qashyqtan júrgizýde.