ShQO-da mektep oqýshylary «Abaıtaný» kýrsyn oqıdy

ÓSKEMEN. QazAqparat - Shyǵys Qazaqstan oblysyndaǵy jalpy bilim beretin barlyq mektepterde 5-8 synyp oqýshylary úshin «Abaıtaný» kýrsy engizilgen, dep habarlaıdy QazAqparat.

Uly aqynnyń 175 jyldyǵyna oraı aımaq boıynsha 277 mektep pen 2 pedagogıkalyq kolledjde «Abaıtaný» kabınetteri ashylǵan. Bul jaıly búgingi oblys ákimdiginiń kezekti otyrysynda ShQO Іshki saıasat basqarmasynyń basshysy Irına Smıt aıtty.

«Qańtardyń 10-ynan bastap óńirdegi jalpy bilim beretin mektepterde 5-8 synyp oqýshylary úshin «Abaıtaný» kýrsy engizildi. Pedagogıkalyq kolledjderdegi «Qazaq tili men ádebıeti pániniń muǵalimi» mamandyǵynyń 1-kýrs stýdentteri de atalmysh kýrsqa qatysýda. Budan bólek, Semeı qalasyndaǵy 56 mektepte «Abaı álemi» klýby qurylǵan» - deıdi ol.

Esterińizge sala ketsek, buǵan deıin ShQO-da Abaı mereıtoıyna oraı 560 shara ótkiziletindigi habarlanǵan bolatyn.