ShQO-da mektep ishi tútindep, 500-ge jýyq oqýshy evakýatsııalandy

ÓSKEMEN. QazAqparat – Shyǵys Qazaqstan oblysy Rıdder qalasynda mektep ishi tútindep, 500-ge jýyq oqýshy dalaǵa shyǵaryldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, 13 qyrkúıek kúni saǵat 09:57-de Rıdderdegi mektepterdiń biriniń ishin tútin basty. Oqıǵa ornyna qutqarýshylar shaqyryldy. Olar kelip jetkenshe muǵalimder uıymdasqan kúıde 500-ge jýyq oqýshyny dalaǵa shyǵarǵan.

«Anyqtalǵandaı, 2-qabatta ornalasqan as úı bólmesindegi pesh ústinde maıdyń qalyp qoıýynan tútin shyqqan. Abyroı bolǵanda, órt bolmady. Zardap shekken eshkim joq», - delingen aqparatta.

TJD qyzmetkerleri aýany tazartqan soń oqýshylar mektepke kirip, sabaqtaryn qaıta jalǵastyrdy.